ڕۆژهەڵاتناسان و بەرهەمە زانستییەكانیان لە ئیسلامناسیدا

27/03/2020

:: عەبدوڵا ئەحمەد محەممەد

پێشەكی 

ئەوروپییەكان هەر لەو كاتەوەی كە ناسراوییان لەگەڵ خەڵكانی ڕۆژهەڵاتدا پەیدا كردووە، زانیارییان لە سەر ئایین، زمان و مەزهەبەكانیان دەستكەوتووە، بایەخیان بە ڕۆژهەڵاتناسی لە سەرجەم بوارەكاندا داوە، تا ڕاستییەكان وەك خۆی بناسن، هەروەها لەبەر ئەوەی كە بە پشتبەستن بەو زانیارییانە بتوانن ئەكادیمیانە كار لەسەر لێكۆڵینەوە و توێژینەوە تایبەتییەكانی خۆیان لەو بوارەدا بە ئەنجام بگەیەنن، لەم ڕوانگەیەوە گروپی كارناسی تایبەتیان پێكهێناوە، تا هەر گروپە و  لە بواری تایبەتی خۆیدا سەرقاڵی توێژینەوە و  كاركردن بێت، بێگومان هەر كەس و گروپێكیش لە هەر بوارێكدا كارناس و پسپۆڕ بوو، زیاتر تیایدا سەركەوتووە و شارەزاترە، بۆیە هەر گروپێكی ڕۆژهەڵاتناسی لە پێناو كاری خۆیاندا ڕوویان لە ڕۆژهەڵات كردووە، هەر یەكێكیان ڕووەو  ناوچەیەك بەڕێكەوتوون، تەنانەت خۆیان فێری زمانی ئەو وڵاتانەی ڕۆژهەڵاتيش كردووە، كە سەردانیان كردووە، و تیایدا سەرقاڵی توێژینەوە تایبەتییەكانی خۆیان بوون، خۆیان لەگەڵ دابونەریت و بەند و باوی ئەو گەلانەی ڕۆژهەڵاتدا ڕاهێناوە، لە سەرجەم شوێنەوارەكانی وەك دەسنووس، وێنەكێشان، بیناسازی و شتی تریشدا تێڕاماون و هەڵوێستەیان كردووە، زۆر شێلیگرانە و بێووچان نهێنییەكانیان ئاشكرا كردووە، زۆر شتی گرنگیان لە مێژووی ڕابردووی گەلانی ڕۆژهەڵات بەدەر خستووە، یەكێك لەگرنگترین ئەو بوارانەی كاریان لەسەر كردووە بابەتەكانی ئیسلامناسی بووە، هەر لەقورئانی پیرۆزەوە تا توێژینەوە لەسەر فەرموودەكانی پێغەمبەر (د.خ) و تێكستە ئایینی و فیقهییەكانی تریش.

 

بۆ داگرتن کلیکی ئێرە بکە

 

# ئایین

Islamic Studies copyright 2017 © . All right reserved Developed by Avesta Group and powered by Microsoft Azure