ئافرەت لە هزرى سۆفیگەریدا

05/04/2020

:: عەدنان سەید ئەمین

پێشەکى

 ئەوانەى سەرقاڵ بن بە توێژینەوە و ڕوانین لە هزرى ئیسلامى، بەو باوەڕە دەگەن کە لەو بازنەیەدا تێڕوانینى جیاواز هەست پێدەکرێت بەرامبەر ئافرەت. لە دوو کۆمەڵى فەقیهەکان و سۆفیەکان. فەقیهەکان بە واتا ئەو کەسانەى سەرقاڵى زانستە ئایینیەکان دەبن و فرمانەکانى چوار ڕێباوەڕەکە پەیڕەو دەکەن و بەپێى چەند پێوەرێک بڕیار دەدەن لە پرسە ڕۆژانەکانى باوەڕداران. ئەو سۆفیانەش بە گشتى ئەوانە دەگرێتەوە کە ڕێڕەوى بوونگەرایی (وجودی)یان پەیڕەو کردووە. ئەم جۆرە لە تێڕوانین بەرامبەر بە ئافرەت کەمتر خراوەتەڕوو، لەکاتێکدا هەمیشە بەشێک لە گوتارە ئاینیەکان و کلتورى کۆمەڵگە دژ بە بۆچونى گەورە نیشاندانى ئافرەت بوون. هەوڵ دراوە هەردەم لایەنى فیسیۆلۆجى و جەستەیی ئافرەت بکرێتە پێوەر و ئافرەتى پێ جیابکرێتەوە وەک ڕەگەزى دژە پیاو.

.بەشێک لەو تێگەیشتنەش لە ئێستادا ئامادەیی هەیە، بۆیە جێگاى خۆیەتى کە ئەو پرسە گرنگى پێ بدرێت و گەنگەشە بکرێت. لەو دەربڕینەدا ئێمە مەبەستمان لە (سۆفیگەرى) ڕێچکە و ڕێبازێکى دیاریکراو نییە، بەڵکو زیاتر ئەو جۆرە لە سۆفیگەرى مەبەستە کە ناوى لێنراوە (عیرفان) یان (عیرفانى ئیسلامى). سەرەتاى ئەو هەوڵانەش لەسەردەمى نوێدا بۆ ئەو بابەتە، کتێبى ئافرەتێکى ڕۆژهەڵاتناسى ئەڵمانیە بەناوى (ئەنا مارى شیمل) بەناوى (ئافرەت لە عیرفان و تەسەوفى ئیسلامیدا). دواى ئەویش چەندین هەوڵ درا بەشێوەى کورت و پەخت و ڕاپۆرت و توێژینەوە کە هەریەک تایبەت کرابوو بە یەکێک لە رێبازە سۆفیگەریەکان. لەم توێژینەوەدا هەوڵدراوە بەشێوەیەکى گشتى باس لە پایە و پێگەى ئافرەت بکەین لە هزرى سۆفیگەریدا.

 

بۆ داگرتن کلیکی ئێرە بکە

# ئایین

Islamic Studies copyright 2017 © . All right reserved Developed by Avesta Group and powered by Microsoft Azure