گۆڕانی گوتاری سەلەفی لای گرووپە جیهادییەكانی هەرێمی كوردستان

20/12/2018

:: ئیدریس سیوەیلی

پێشەكی

 سەلەفیزم بۆتە دیاردەیەكی زەقی نێو دونیای ئیسلام، لە زۆرێك لە كایەكانی پەیوەست بە ئاین و كۆمەڵگە ئیسلامییەكان ئامادەیی هەیە، هەرێمی كوردستانیش بێبەش نەبووە لە كاریگەریەكانی ئەو بیرە، شێوازی جیاواز لە سەلەفیزم لە تێروانین و بیركردنەوە و مومارەسە بەدیدەكرێت، ئەم توێژینەوە هەوڵێكە بۆ خستنەڕووی گوتاری سەلەفیزم لای گرووپە ئیسلامییە جیهادییەكانی هەرێمی كوردستان، توێژەر بە شێوەیەكی ورد بەدوای وەڵامی ئەو پرسیارە سەرەكیەوەیە كە "ئەو گۆڕانكارییانە چی بوون بەسەر گوتاری سەلەفی گرووپە جیهادیەكانی هەرێمی كوردستان هاتوون و سروشتی گۆڕانكارییەكان چۆنن؟"، بە پشتبەستن بە میتۆدی مێژوویی و شیكاریی، بە خستنەڕووی رووداو و هەڵوێستەكان و وێستگە گرنگەكانی رەوتی سەلەفیزم لە كوردستان، پاشان شیكاری بۆ بابەتەكان كراوە و هەوڵدراوە وەڵامی پرسیارەكە بدرێتەوە.


ئەوەی زۆرترین مشتومڕی لای سەلەفییەكان دروستكردووە بابەتەكانی حاكمییەت، دۆستایەتی و دوژمنایەتی، تەكفیر، جیهاد و دارلكوفر و دارلئیسلامە، دەگونجێت ئەمانە وەكو بەشێك لە بنەمای فیكری سەلەفی ئەژماربكرێن كە لە گوتاری گرووپە ئیسلامییەكاندا بەدیدەكرێن، بۆیە لەم توێژینەوەدا هەوڵدراوە ئەو بابەتگەلە لە مەنهەج  و تێڕوانینی ئەو گرووپانە لە قۆناغە جیاوازەكانی خەباتیان بخرێتەڕوو.

 

بۆ داگرتن کلیکی ئێرە بکە

# سەلەفی # باشوری کوردستان

زۆرترین خوێندراوە


Islamic Studies copyright 2017 © . All right reserved Developed by Avesta Group and powered by Microsoft Azure