ڕیشەی كردەوەكانی داعش لە سەرچاوە سەلەفییەکاندا

31/01/2021

:: زیرەك ئەحمەد رەحمان

پێشەكی

 
هەر كاتێك ڕێكخراوی دەوڵەتی ئیسلامی لە عێراق و شام، یا بەو ناوەی کە ناسراو (داعش) دێتە بەر گوێی خەڵك بە گشتی، یەکسەر سەرنجی خەڵك و خەیاڵدانی دەچێ بەلای ئەو کردارە نامۆیانەی کردوویانە لە بەرامبەر ئەم کردەوانەش زۆر جاران بە خەواریج ناوبراون، وەك ئەوەی بزووتنەوەی خەواریج تەنیا و تەنیا ڕوواڵەتی توندڕەوی بن لە دنیای ئیسلامەتی، ئەڵبەت بەو شێوەی کەوا لە کتێبانی نەیارانیان لە سوننە و شیعە ناسێنراون. هەر چۆنێك بێت، دوا بە دوای ئەم باسانەمان لە ناساندنی سەلەفیەت لە سەرهەڵدانەوە تا داعش و بوونی توێژینەوە و باسی جۆراوجۆر سەبارەت بە خەواریج. لە پاڵیدا بەراوردی داعش بە هەریەکە لە سەلەفیەت و خەواریج، زەمینەساز بوون بۆ بەرچاوڕوونی سەبارەت بەم پرسە. بۆیە لەم باسەدا بە پێویستی دەزانین لایەك لە لایەنی کرداری و کردەییەكانی ڕێكخراوی دەوڵەتی ئیسلامی لە عێراق و شام (داعش) بکەینەوە. داخۆ ئەم ئەحکامە کردەییانەی جێی سەرنجی زۆربەی خەڵكە، لە خۆڕایە، یاخود زادەی ڕەوتێك و مەدرسە و مەزهەبێكی وەك خەواریجە، یاخود لەمەشدا بنەمایەکی سەلەفییانەیان هەیە. ئەڵبەت مەرج نییە لە پیادەکردنی ئەم حوکمانە تەنیا سەرچاوەی سەلەفی پاڵپشت بێت، بە مانایەکی تر تەنیا لەلای ئەم تایفە و فیڕقەوە ئەم حوکمانە هەبێت، بەڵکو لای بازنە فراوانەکەی ئەهلی سوننە و جەماعە، تەنانەت لای فیڕقەکانی ناو بازنەی مەزهەبی شیعی، پێكهاتەکانی تری ئیسلامەتی هەبن. بەڵام وەك لە پێشووشدا و لە باسەکانی تردا جەختمان کردۆتەوە سەر سەلەفی، بە هۆی ئەو لە خۆداڕنینەی داعش لە لایەن سەلەفیەتەوە، و بەزۆر لكاندنیان بە خەواریج و مەزهەبەکانی تری ئیسلامەتییەوە.

 

بۆ داگرتن کلیکی ئێرە بکە

# داعش # وەهابی # سەلەفی # توندڕەوی # تیرۆریزم

زۆرترین خوێندراوە


Islamic Studies copyright 2017 © . All right reserved Developed by Avesta Group and powered by Microsoft Azure