ئیسلامی سیاسیی لە ڕۆژئاوای کوردستان

28/07/2021

:: زیرەك ئەحمەد رەحمان

پێشەکی
کورد بە شێوەیەکی فراوان لە ڕووی جوگرافیەوە دابەشی سەر هەر چوار وڵاتی تورکیا، عێراق، ئێران و سوریا کراوە. وێرای بوونی مێژوویی لە هەندێ وڵاتی تر و بە هۆی کۆچ و ڕووداوی ترەوە. کورد وەك هەر نەتەوەیەکی تر مەحکوومە بە هەندێ قەدەری جوگرافی لە ڕووی پێکهاتەی دینیەوە، واتە هەم کاریگەرە و هەم کارتێکراو. بەڵام بە گشتی زۆرینەی کورد موسڵمانی سوننە مەزهەبن، لەگەڵ بوونی شیعەی دوازدە ئیمامی و عەلەوی (بە شێوە جۆراوجۆرەکانیەوە وەك نوسەیڕی و شەبەك و ... تاد) و ئێزیدی. پرسی دین و سیاسەت تەنیا بابەتێك نییە گۆڕەپانی کوردی گرتبێتەوە، بەڵکو زۆرێكی کۆمەڵگەکان ئەم باسە جێی مشتومڕیەتی. بۆیە شپرزەیی دۆخی گشتی هەر وڵاتێك، وروژاندنی باسی لەم جۆرە تێیدا، بە جارێك پرسەکە دەکاتە کێشەیەك زەق تێیدا. لەم باسەماندا دەمانەوێ بە سەرەقەڵەمێك باسی پرسی دین و سیاسەت بکەین لەناو جموجۆڵە سیاسیە دیارەکانی ڕۆژئاوا و ئەم پرسە لە کوێوە بۆ کوێ دەجووڵێنرێ و هەر لایەنێكیش چۆن مامەڵەی لەگەڵ دەکات.

 

بۆ داگرتن کلیکی ئێرە بکە

# ئیسلامی سیاسی # رۆژئاوای کوردستان

Islamic Studies copyright 2017 © . All right reserved Developed by Avesta Group and powered by Microsoft Azure