:: بێستون حسێن عارف

ناوه‌ندی كوردستان بۆ توێژینه‌وه‌ له‌ململانێ و قه‌یرانه‌كان
پێشه‌كی
ماوه‌ی زیاتر له‌مانگێكه‌ شه‌پوڵێكی خۆپیشاندان زۆرێك له‌شاره‌ گه‌وره‌كانی عێراقی گرتۆته‌وه‌ كه‌ داوای گۆڕانكاری ڕیشه‌یی له‌حكومه‌ت و كۆتایهێنان به‌گه‌نده‌ڵی و دابینكردنی هه‌لی كار و كۆتایهێنان به‌هه‌ژموونی تاران له‌به‌غدا ده‌كه‌ن، ئێران هه‌ژموون و كاریگه‌ری فراوانی له‌م عێراقدا هه‌یه‌له‌ڕێگه‌ی پشتگیریكردنی گروپ و میلیشای چه‌كدارییه‌كان كه‌ته‌ره‌فداری خۆیان بۆ ڕێبه‌ری باڵای ئێران یه‌كلاكردۆته‌وه‌. ناسه‌قامگیری و بوونی توندوتیژی له‌عێراق به‌شێوه‌ی ڕاسته‌وخۆ یان ناڕاسته‌وخۆ كاریگه‌ری له‌سه‌ر نفوزی  ئێران له‌عێراق ده‌بێت، به‌رپرسانی باڵای ئێرانیش هه‌ندێك لایه‌نی هه‌رێمی و نێوده‌وڵه‌تی  به‌تێكدانی بارودۆخی عێراق و لوبنان تۆمه‌تبار ده‌كه‌ن. ئه‌م نوسینه‌ گفتوگۆی ئه‌وه‌ده‌كات كه‌ به‌رده‌وامی خۆپیشاندانه‌كانی عێراق  په‌یامێكه‌ بۆ ئێران و به‌شێوه‌یه‌كی سه‌ره‌كی كاریگه‌ری له‌سه‌ر هه‌ژموونی ئه‌و وڵاته‌ له‌عێراق ده‌بێت، ڕه‌نگه‌سه‌ر بكێشێت بۆ ئه‌وه‌ی كه‌ تاران به‌سیاسه‌ت و ستراتیجی خۆی له‌به‌غدادا بچێته‌وه‌.