ڕۆڵی مەرجەعیەت لە پرۆسەی سیاسی عێراقدا: ئایەتوڵا عەلی سیستانی بە نمونە

19/12/2020

:: بێستون حسێن عارف


ناوه‌ندی كوردستان بۆ توێژینه‌وه‌ له‌ ململانێ و قه‌یرانه‌كان
پێشەکی


دەسەڵاتی ئایینی لە هەر کۆمەڵگەیەکدا ڕۆڵێکی گرنگی هەیە لە نەخشەڕێژکردن و ئاڕاستەکردنی پرسە سیاسییەکان. فرە مەزهەبی و ئیسنی و تائیفی کە تایبەتمەندی سەرەکی عێراقە و سەرچاوەی زۆربەی کێشەکانی وڵاتەکەیە، وایکردووە دەسەڵاتی ئایینی جێگەی گرنگی پێدان بێت لە هەڵگیرسان و یەکلاکردنەوەی ئەو ناکۆکی و ئاڵۆزیانەی کە عێراقی گیرۆدە کردووە.  ئایەتوڵا عەلی سیستانی مەرجەعی باڵای شیعەکان لە عێراق بە بەردەوامی دەسەڵاتێکی بەهێز و ڕۆڵێکی یەکلاکەرەوەی لە پرسە سیاسییە ڕاگوزەرەکانی عێراق هەبووە. ئەو کە لە تەمەن نەوەد ساڵیدایە و کاتێک قسە دەکات بەهەند وەردەگیرێت و بەهیچ شێوەیەک فەرامۆش ناکرێت.
ئەوەی جێگەی پرسیارە ئەوەیە کە سیستانی پەیڕەوی جۆرێک لە ڕێبازی کلاسیکی شیعی دەکات کە سیاسەت کردن لە پیاوانی ئایینی قەدەغە دەکات، بەڵام خودی سیستانی لە ڕێگەی ڕێنمایی و هەندێک جاریش لە ڕێگەی فەتواوە توانیویەتی کاریگەرییەکی فراوان لە سەر پرۆسەی سیاسی عێراق بەجێبهێڵێت، بەشێوەیەک هەموو حکومەتەکانی عێراق لە دوای ساڵی ٢٠٠٣ ەوە هەوڵیانداوە ڕەزامەندی سیستانی بەدەست بهێنن بە درێژایی ماوەی فەرمانڕەواییان. لەبەرئەوە ئەم نووسینە هەوڵدەدات تیشک بخاتە سەر ڕۆڵ و کارەکتەری سیاسیانەی سیستانی و ڕوونکردنەوەی ئەوەی کە ئایا تا چەند سیستانی توانیویەتی کاریگەری لەسەر پرۆسەی سیاسی عێراق هەبێت.

بۆ داگرتن کلیکی ئێرە بکە

زۆرترین خوێندراوە


political studies copyright 2017 © . All right reserved Developed by Avesta Group and powered by Microsoft Azure