ڕیشەی كردەوەكانی داعش لە سەرچاوە سەلەفییەکاندا

13/03/2021

:: بێ نوسەر

ناوه‌ندی كوردستان بۆ توێژینه‌وه‌ له‌ململانێ و قه‌یرانه‌كان
نوسینی: زیره‌ك ئه‌حمه‌د ره‌حمان
پێشەكی

هەر كاتێك ڕێكخراوی دەوڵەتی ئیسلامی لە عێراق و شام، یا بەو ناوەی کە ناسراوه‌ (داعش) دێتە بەر گوێی خەڵك بە گشتی، یەکسەر سەرنجی خەڵك و خەیاڵدانی دەچێ بەلای ئەو کردارە نامۆیانەی کردویانە لە بەرامبەر ئەم کردەوانەش زۆر جاران بە خەواریج ناوبراون، وەك ئەوەی بزووتنەوەی خەواریج تەنیا و تەنیا ڕواڵەتی توندڕەوی بن لە دنیای ئیسلامەتی، ئەڵبەت بەو شێوەی کەوا لە کتێبانی نەیارانیان لە سوننە و شیعە ناسێنراون.
لەم باسەدا بە پێویستی دەزانین لایەك لە لایەنی کرداری و کردەییەكانی داعش بکەینەوە. داخۆ ئەم ئەحکامە کردەییانەی جێی سەرنجی زۆربەی خەڵكە، لە خۆڕایە، یاخود زادەی ڕەوتێك و مەدرەسە و مەزهەبێكی وەك خەواریجە، یاخود لەمەشدا بنەمایەکی سەلەفیانەیان هەیە. ئەڵبەت مەرج نییە لە پیادەکردنی ئەم حوکمانە تەنیا سەرچاوەی سەلەفی پاڵپشت بێت، بە مانایەکی تر تەنیا لەلای ئەم تائیفە و فیرقەوە ئەم حوکمانە هەبێت، بەڵکو لای بازنە فراوانەکەی ئەهلی سوننە و جەماعە، تەنانەت لای فیرقەکانی ناو بازنەی مەزهەبی شیعی، پێكهاتەکانی تری ئیسلامەتی هەبن. بەڵام بە هۆی ئەو لە خۆداڕنینەی داعش لە لایەن سەلەفیەتەوە و بە زۆر لكاندنیان بە خەواریج و مەزهەبەکانی تری ئیسلامەتییەوە.

بۆ داگرتن کلیکی ئێرە بکە

زۆرترین خوێندراوە


political studies copyright 2017 © . All right reserved Developed by Avesta Group and powered by Microsoft Azure