ناودار زیاد

پێشەکى
کۆمەڵگەى نێودەوڵەتى و وڵاتان بە گشتى بە دەست کۆمەڵێک کێشە و گرفتەوە  دەناڵێنن، بە دیاریکراوى ئەو دیاردە و مەسەلە و تەنگژانەى کە ڕەهەندێکى نێودەوڵەتى و جیهانیان هەیە، هەرچەندە لە سنورێکى دیاریکراودا بێت، بەڵام خەمى وڵاتانى جیهانە و پەیوەندیدارە بە هەموو وڵاتانەوە، یاخود ئەگەر دەوڵەتانى جیهان بەگشتى ڕێگرى لێ نەکەن، یان ڕووبەڕووى نەبنەوە ئەوا دوور نییە بەرۆکى ئەوانیش بگرێتەوە، لەم سۆنگەیەوە یەکێک لەو مەترسى و گرفتە زەق و بەرچاو و گرنگانەى کەوا کۆمەڵگەى نێودەوڵەتى و تەواوى دەوڵەتان بەگشتى بە دەستییەوە دەناڵێنن بریتییە لە دیاردەى تیرۆر.
لە جیهاندا چەندین ڕێکخراو و گرووپى تیرۆریستیى دروستبوونە کە لە ڕێگەى کردەى توندوتیژ و نامەشروع و یاساغەوە ئاسایش و ئەمنییەتى چەندین دەوڵەتییان تێکداوە و، ترس و بیمێکى زۆریان بڵاوکردۆتەوە و بوونەتە مایەى دروستکردنى کوشتن و تێکدان و ناسەقامگیریى لە چەندین دەوڵەتى جیهاندا.
بەو پێیەى ئەم ڕێکخراو و گرووپە تیرۆریستییانە بەشێوەى نهێنى چالاکى و پەیوەندییەکانیان ڕێکدەخەن و، سنور و چوارچێوەى دەوڵەتان دەبڕن، بۆیە دەوڵەتێک بەتەنها ناتوانێت دژیان ڕابوەستێتەوە، لەم پێناوەدا دەوڵەتان چ بە تاک یاخود بە کۆمەڵ چەندین ڕێوشوێنییان گرتووەتە بەر بۆ ڕووبەڕووبوونەوەیان، لەم توێژینەوەیەدا جەخت لەسەر گرنگترینیان دەکەینەوە.

بۆ داگرتن کلیکی ئێرە بکە